Повик на„Јавна соба“ за дизајнери, дизајн студија и производни компании

Повик на„Јавна соба“ за дизајнери, дизајн студија и производни компании

Центарот за дизајн и иновации „Јавна соба“ распишува повик за сите македонски дизајнери, дизајн студија и производни компании кои сакаат да ги претстават своите најнови производи на дизајн фестивалите во регионот и да стапат во контакт со претставници на концептуални продавници и дистрибутери од соседните држави. Селектираните производи ќе патуваат во период мај – ноември 2017 година во организирана форма, како „Изложба на македонски дизајн – 2017“.

Учеството на повикот е бесплатно и има за цел да го стимулира развојот на дизајн сцената во Македонија, во поглед на продуктивност, самоодржливост и иновативност. Пријавата за учество може да се најде на следниот линк: www.publicroom.org/projects/patuvacka-izlozba.html

– Време е да се охрабриме, умешно да го спакуваме и да го претставиме надвор од нашите граници сето она што неколку години внимателно го создаваме. Заеднички да ја промовираме македонската дизајн сцена и нашата земја. Како неформални претставници на дизајн секторот во земјава имаме обврска да ги мобилизираме сите активни продукт, модни и графички дизајнери, да ги мотивираме да размислуваат извозно, изјави директорката на проектот Тамара Георгиевска.

Фестивалите, како што нагласи, се одлична можност за иницирање соработка со концептуални продавници од Белград, Загреб, Сараево, Тирана, Пловдив и Софија, а изложувањето во комерцијалните зони е од голема корист за било кој дизајнер, дизајн студио или производна компанија од Македонија.

Таа информира дека во концептуалната продавница во „Јавна соба“ од пред шест месеци се продаваат парчиња мебел, накит и облека од млади дизајн брендови од целиот регион.

На изложбата на македонски дизајн може да учествуваат сите модни, графички и продукт дизајнери, дизајн студија и компании од Македонија кои имаат изработено производ или се во финална фаза на изработка на нов производ/прототип.

На регионалните фестивали се очекува да се настапи со избор на 15 до 20 иновативни продукти, кои ќе имаат можност да ги видат неколку стотици илјади луѓе на Балканот.

Заинтересираните повеќе информации можат да најдат на линкот: http://www.publicroom.org/shop.html

Поврзани вести

Најудобната колекција софи во светот... Италијанската компанија „Едра“ ја претстави софата „Пак“. „Пак“ е огромна скулптурна софа што потсетува на лебдечки леден брег. Наслон...
Модерна бетонска куќа Модерната бетонска куќа е инспирирана од модернистичката традиција на бразилските куќи. Домот е креиран за семејство што сака дрво, бетон и цем...
ФОТО: Вила „Мејендел“ пример за архитектонска убав... Инспирирана од песочната пошумена парцела на која се наоѓа, куќата „Мејендел“ го користи секој позитивен аспект од својата локација. Се работи ...
Колекција аксесоари за сите љубители на виски... Дизајнерот Том Диксон креираше за славниот бренд на виски „Џони Вокер Блу Лејбл“ една лимитирана колекција на аксесоари. Колекцијата се состои од ...
„Адидас“ и „Порше“ создадоа модерни и функционални... „Адидас“ компанијата оствари соработка со луѓето од „Порше Дизајн“ брендот со цел да креира патики што се модерни и функционални. Наречени „Адидас ...
ФОТО: Повеќенаменско студио за работа и забава... Повеќенаменскиот дизајн стана многу важен сегмент на модерниот живот додека забрзаниот тек на урбаниот животен стил се потпира на декор и дизајн намен...