Цибона му го нанесе петтиот пораз во низа на МЗТ Скопје

Цибона му го нанесе петтиот пораз во низа на МЗТ Скопје

Кошаркарите на МЗТ Скопје Аеродром вечерва загубија на гостувањето кај Цибона со 87:79 во меч од 17. коло од АБА лигата по кој останаа на четири победи и без ниту еден триумф на гостински терен сезонава во регионалното натпреварување.

„Сино-белите“ и покрај фактот што играа со само осум играчи поради отсуството на повредените Стефан Синовец, Јуре Лалиќ, Стојан Ѓуроски и болниот Адем Мекиќ, му зададоа силен отпор на противникот, но на крајот снемаа сили за целосен пресврт.

Избраниците на тренерот Анте Назор не се предадоа ниту по водството на противник со 14 поени разлика (55:69) во финишот од третиот период. Со ангажирана игра и прецизен шут прво изедначија на 74:74, а со тројката на Шарлон Клоф дури и поведоа до 77:76 на две минути до крајот. Но, потоа падна концентрацијата, се направија неколку неизнудени грешки, нешто што „цибоси“ максимално го казнија и со серија 11:2 до крајот на средбата дојдоа до посакуваните бодови.

Ѓорѓе Дреновац ја одигра најдобрата партија сезонава и навистина е штета што неговиот учинок со 27 поени, пет скока и две асистенции не беше крунисан со триумф. Одличен беше и Клоф со 16 поени, три скока и дури осум асистенции, а двоцифрен поентерски ефект имаше уште и Џош Скот со 12 поени и седум скока.

Следната шанса за прекин на серијата од пет порази по ред МЗТ Скопје ќе ја има веќе в петок, кога во „Јане Сандански“ ќе гостува тимот на Задар.

Поврзани вести

Македонските кадети поразени и од Исланд... Македонската кадетска репрезентација е поразена од Исланд во натпревар за пласман од 13-16 место на Европското првенство за кошаркари до 16 години што...
Комплетирано 5.коло од кошаркарските претквалифика... По одигрувањето на петте натпревари од 5.коло во претквалификациите познати се уште две репрезентации кои изборија пласман во следната фаза - квалифик...
Пораз на македонските кошаркари во Талин, Естонија... Македонската кошаркарска репрезентација го претрпе третиот пораз во групата Ц во претквалификациите за Светското првенство 2019. Попладнево Македон...
Скопје домаќин на ЕП Дивизија Б за кошаркарки до 1... Македонската кошаркарска федерација од утре (17 август) па во наредните десет дена ќе биде домаќин на Европското првенство - Дивизија Б за кошаркарки ...
Наваро го сруши рекордот на Епифанијо... Хуан Карлос Наваро се запиша во историјата на шпанската кошарка како играч со најголем број настапи во репрезентативниот дрес. Наваро синоќа по 240. п...
Македонските кошаркари гостуваат кај Естонија во м... Во претквалификациите за Светското кошаркарско првенство кое ќе се одржи во Кина во 2019 година, денеска ќе се играат средбите од претпоследното 6.кол...