Ford се откажа од фабриката во Мексико во вредност од 1,6 млрд долари

Ford се откажа од фабриката во Мексико во вредност од 1,6 млрд долари

Американскиот автомобилски концерн „Ford“ се откажа од градењето фабрика во вредност од 1,6 милијарди долари во Мексико и наместо тоа одлучи да го прошири производството во својата фабрика во Мичиген.

Според соопштението од вторникот на „Ford Motor Сompany“, производителот на мексиканската сојузна држава Сан Луис Потоси ќе ѝ исплати компензација за откажувањето на инвестицијата. Наместо тоа, американскиот гигант ќе потроши 700 милиони долари на проширување на фабриката во Флет Рок, во секторот на производство на електрични автомобили.

Директорот на „Ford“, Марк Фиелдс, изјави дека ваквата одлука делумно ја донеле поради падот на продажбата на помалите автомобили, а делумно како „израз на доверба“ во политиката на избраниот американски претседател Доналд Трамп.

Трамп претходно го критикуваше „Ford“, како и неговиот конкурент „General Motors“, поради производството на некои модели возила во Мексико.

Тоа не значи дека „Ford“ се повлекува од Мексико, туку дека производството на моделот „фокус“ ќе го префрли во постојната фабрика во Хермосил за да ја зголеми нејзината профитабилност. Сегашната верзија на овој автомобил се произведува во фабриката во Вејни, во сојузната држава Мичиген. Таму ќе се префрли производството на нови два модела, со што ќе се задржат 3.500 работни места.

Претходно во вторникот Трамп на Twitter го критикуваше „General Motors“ поради производството на автомобили во Мексико, што му овозможува да не плаќа царини во САД.

„General Motors без плаќање на царина ги испраќа моделите ‘шеви круз’ од Мексико во САД. Правете ги во САД или платете царина!“, порача Трамп.

Автомобилите произведени во Мексико можат без царина да се увезуваат во САД благодарејќи на Северноамериканскиот договор за слободна трговија (NAFTA), еден до договорите кои Трамп ги напаѓаше во текот на својата претседателска кампања, бидејќи доведува до губење работни места во САД.

Поврзани вести

„Порше“ за „911 Карера С“ нуди опција која наликув... За купувачите на актуелниот модел „911 Карера С“, „Порше“ подготви опциски пакет со подобрување со кој стигнуваат повеќе коњски сили, подобри сопирачк...
„Е-Берлинго Мултиспејс“ нов електромобил на „Ситро... „Ситроен“ го претстави моделот „Е-Берлинго Мултиспејс“, кој го покренува само електромотор и од полнење до полнење на батеријата може да помине 170 ки...
Најавено сериско производство на „Пининфарина Х600... Прототипот „Пининфарина Х600“ кој беше претставен на овогодишниот Саем за автомобили во Женева, наскоро ќе добие и своја сериска верзија. Производ...
„Ауди“ до 2020 година ќе претстави три електрични ... „Ауди“ најави дека до 2020 година на пазарот ќе промовира три електрични автомобили, а првиот од нив треба да биде готов идната година. Големиот е...
ФОТО: BMW подготви многу необична Magny-Cours едиц... Германската компанија BMW наскоро ќе почне да прима нарачки за автомобилот M4 Magny-Cours со кој секој купувач ќе добие и мотоцикл и рачен часовник. ...
„Хјундаи и30 Н“ влегува во завршна фаза на тестира... „Хјундаи“ својот насилен модел „и30“ ќе го претстави за неколку месеци. Компоанијата објави неколку нови фотографии од својот прототип „Хјундаи и3...