Премиерот Груевски се сретна со менаџментот на Веибо Груп

Премиерот Груевски се сретна со менаџментот на Веибо Груп

Претседателот на Владата на Република Македонија Никола Груевски, денеска во градот Гвангжу, Народна Република Кина го посети индустрискиот и продажниот капацитет на компанијата Веибо Груп.

Во рамки на посетата премиерот Груевски оствари средба со менаџерскиот тим на компанијата предводен од извршниот директор, Селчук Алперен. Компанијата Веибо Груп неодамна донесе одлука за инвестиција во Република Македонија, во североисточниот дел на нашата земја во капацитети  во рамки на кој ќе бидат отворени над 5.000 работни места. На средбата стана збор за идните чекори за реализација на проектот со инвестицијата.

Премиерот Груевски истакна дека Владата на Република Македонија веќе ги отпочна процедурите за реализација на градба на технолошко-индустриската развојна зона во која ќе биде сместена инвестицијата на компанијата Веибо Груп.

– Веибо вработува околу 14.400 вработени. Има фабрики во НР Кина, Турција и Камбоџа. Тие имаат голем успех, имаат околу 2.900 продавници и ова е нешто што навистина функционира на вистинскиот начин и најважното што тоа е со успех.  Задоволен сум што оваа компанија одлучи нивната следна инвестиција да биде во Република Македонија, изјави премиерот Груевски на прес-конференцијата по посетата на компанијата Веибо Груп.

Директорот пак на Веибо Груп, Селчук Алперен изрази задоволство од условите за бизнис кои што постојат во Република Македонија и од поддршката која што Владата на Република Македонија ја овозможува за странските инвеститори.

– Одлучивме да реализираме инвестиција во Република Македонија во вредност од 400 милиони долари, на површина од 400.000 метри квадратни која ќе обезбеди вработување на над 5.000 работници во интегрирана текстилна индустриска зона. Успехот на нашата компанија е базиран на поврзување на снабдувачкиот канал со маркетингот, од суровина до производство и од дизајн до продажба и маркетинг, изјави Селчук Алперен на прес- конференцијата.  

Соговорниците разменија мислење и за можностите за проширување на соработката и дискутираа за идните потенцијални развојни планови за соработка помеѓу двете страни.

Со посетата на градот Гвангжу во Народна Република Кина, владината делегација ја завршува посетата на азиските земји во рамките на која беа посетени и Царството Јапонија и Република Кореја.

Поврзани вести

Самит на ЕУ: Економијата оди на подобро... Шефовите на држави или влади од Европската унија на денешниот состанок во Брисел заклучија дека мора да се прекине мигрантскиот бран во Европа. Тие...
Дијалог за минимална плата – предложено мини... Министерот за финансии Драган Тевдовски, министерката за труд и социјална политика Мила Царовска, заменик министерката за финансии Ширет Елези и еконо...
Земјоделците бараат прогласување елементарна непог... Да се прогласи елементарна непогода за житните култури на територија на целата држава поради сушата која предизвика намалени приноси на јачменот за 70...
Почна дијалогот за зголемување на минималната плат... Околу проектираната минимална плата од 12.000 денари што беше и предизборно ветување, не треба да постои дилема, за тоа ќе има пари во ребалансот на Б...
Мицкоски: Целокупната тендерска документација ќе б... Раководството на АД „Електрани на Македонија“ целокупната тендерска документација како комерцијална така и техничка ќе ја стави на увид на јавноста, и...
Николовски: Од вторник се очекува да продолжи испл... Во вторник идната недела се очекува да продолжи исплатата на субвенциите од 2016 година. Сите пречки за реализација на преостанатите 25 милиони евра з...