Бакрачески ветува олимписки базен во Охрид

Бакрачески ветува олимписки базен во Охрид

Кандидатот на коалицијата „За подобра Македонија“ предводена од ВМРО-ДПМНЕ за градоначалник на Охрид, Никола Бакрачески, вети изградба на објекти кои ќе му дадат препознатлива димензија на Охрид и ќе го направат град во вистинска туристичка, рекреативна и спортска смисла.

– Во насока на развојот на спортот, веднаш после моето доаѓање на функцијата градоначалник, како прв најзначен проект ќе биде изградба на долгоочекуваниот затворен олимписки базен. Објект според сите стандарди, меѓународни олимписки норми, објект што ќе ги реинкарнира спортовите по кои Охрид беше препознатлив, а тоа се пливањето и ватерполото, рече Бакрачески на денешната прес-конференција, појаснувајќи дека базенот ќе биде изграден во рамки на СРЦ „Атина Бојаџи“, со средства обезбедени од буџетот на Рпеублика Македонија.

Истакна дека во неговата програма со средства од општинскиот буџет предвидена е изградба и на повеќенаменско спортско игралиште во селото Лескоец, двојно тениско игралиште во рамки на СРЦ „Атина Бојаџи“, двете со вредност од 11 милиони денари, како и спортски игралишта за фудбал и одбојка на песок во населбите Воска и Далјан.

Бакрачески денеска уште еднаш нагласи дека манипулации, шпекулации, инсинуации, подметнувања и лажни обвинувања, се страни термини за него кои нема намера ниту да ги коментира, уште помалку да ги практикува, како во минатото така и во текот на предизборна кампања.

– Моја обврска е споделба на позитивни вредности, а тоа се оние вистини кои и во минатото биле носители на тивкиот прогрес низ историјата на Охрид – искреноста, напорната работа, чесноста и фер-играта, толеранцијата и љубопитноста, лојалноста и љубовта кон Охрид, рече Бакрачески.

Во коментар на новинарското прашање во врска со обвинувањата од страна на неговиот противкандидат од редовите на СДСМ за наводно препишана програма за изборите, Бакрачески само истакна дека за да се препише нешто или да се направи копија мора да постои оригинал, за кој рече дека никој досега не го видел.

Поврзани вести

Тешко повредена кавадарчанка откако автомобил удри... Со тешки телесни повреди се здобила вечерва кавадарчанка, родена 1959 година, откако автомобил удрил во неа во новиот центар на Кавадарци, во близина ...
Во Гевгелија и во Демир Капија измерени 38 степени... Највисока температура денеска е измерена во Гевгелија и Демир Капија 38 степени, во Струмица 36, во Скопје на Зајчев Рид и во Штип 35, во Скопје Петро...
Средба Џафери-Бренде: Поддршка за реформските проц... Претседателот на Собранието на Република Македонија Талат Џафери, денеска имаше средба со министерот за надворешни работи на Кралството Норвешка, Борг...
Утре ќе биде сончево и топло, УВ-индексот ќе има в... Времето утре во Македонија ќе биде сончево и многу топло, со мала до умерена облачност. Попладне ќе има локален развој на нестабилна облачност со поро...
Османи-Пломп: Холандија отсекогаш била еден од нај... Заменик претседателот на Владата задолжен за европски прашања Бујар Османи денеска оствари средба со амбасадорот на Кралството Холандија, Валтер Пломп...
Средба Заев-Бренде: Владата на Македонија отвора н... Претседателот на Владата на Република Македонија, Зоран Заев, придружуван од министерот за надворешни работи Никола Димитров денеска се сретна со Борг...